Jesús Kristur með brjóst

Ég er 81 árs unglingur, fæddur í Kristni, skírður í Kristní, fermdur í Kristni, giftur í Kristni og hef alla mína ævi reynt að lifa eftir kenningum og gildum  Kristinnar trúar og fulltrúa hennar hér á landi, biskups, presta preláta og annarra stjórnenda. Skil ekki þetta guðlast kirkjunnar þjóna, sem birtist í auglýsingum þjóðkirkjunnar um "brjóstgóðan Jesús" og hótanir um enn frekari rangar og sóðalegar tilvitnanir í myndum og máli um Frelsara vorn. Fyrirmenn og -konur kirkjunnar,sem standa fyrir þessum rógbburði og óskapnaði, frá biskupi til lægra settra, eiga að sjá sóma sinn í því að segja af sér embættum á vegum kirkjunnar, snúa sér til hefðbundins Kristnihalds og lúta höfði til almættisins með afsökunarbeiðnum fyrir illa grundaðar fullyrðingar og skemmdarstarfsemi til skaða fyrir æsku þessa lands.

SVEI-ATTAN EINS OG AMMA MÍN ÁTTI TIL MEÐ AÐ LÁTA SÉR UM MUNN FARA ÞEGAR HÚN HNEIKSLAÐIST MIKIÐ ! ! !

 

 

Munu birta fleiri Kristsgervinga

Framkvæmdir á vegum NATO í Helguvík

Skömm þeirra alþingismanna er mikil sem enn lifa í fortíðinni og koma í veg fyrir atvinnuuppbyggingu á verndarsvæðinu á suðurnesjum með því að hindra að mörg hundruð störf verði að veruleika á því atvinnusvæði landsins sem einna verst hefur komið út í þeim erfiðleikum og atvinnuleysi sem nú hrjá landsmenn.

Hvernig væri að senda þennan veruleikafyrrta VG-lýð í Keflavíkurgöngu eins og forverum þeirra og félögum var svo tamt að labba forðum daga, sjálfum sér til skammar en almenningi til skemmtunar, í hvert sinn sem mótmæla þurfti einhverju sem til stóð að gera af hálfu bandaríska varnarliðsins.

„Dapurlegt“ að samstarfsflokkur leggi svona fram

Gæludýr í strætó

Nú má fólk hafa með sér gæludýr í strætó. Ef ég tek son minn eða dóttur með mér í strætó þarf ég að greiða fargjald fyrir þau. Hvaða taxti er í gjaldskrá strætó fyrir t.d. lamb, folald, lítinn hund, stóran hund, kött, hamstur o.s.frv., o.s. frv. ? ? ?

Nói boðinn velkominn í fyrstu strætóferðina

Forsetakosning !

Þá erum við búin að fá forseta sem meira en 60% þjóðarinnar hafnaði í kosningum! Er ekki kominn tími til að breyta reglum um forsetakosningar á þann veg að ef enginn frambjóðenda nær 50% stuðningi skuli kosið á milli tveggja efstu?

Er 365 lélegasta fyrirtæki landsins í þjónustu við viðskiptavini?

Versta þjónusta sem ég hef fengið er hjá fyrirtækinu 365. Erindið var að fá sent til mín með e-pósti afrit af reikningi frá 365 sem ekki barst í rafræn skjöl í heimabankann.

1.- Farið í vef 365, þar fyllt út eyðublað "beiðni um aðstoð". Aldrei svarað.
2.- Hringt í 1817, þar 12. í röðinni, skil eftir símanúmer, fæ það endurtekið og samþykki sem rétt. 365 hringir svo í þig -- nema aldrei var hringt.
3.- Sendi beiðnina með e-pósti. Fæ svar um að mikið álag sé á póstinn, óvíst hvenær verði unnt að svara. Hringja frekar í 1817.
4.- Hringi í 1817 um leið og þar opnar næsta morgun, svarað að ég sé "fyrstur í röðinni" og heyri þau skilaboð endurtekin næsta korterið. Fæ á endanum samband við starfsmann í "reikningum" og ber upp erindið. Fæ að vörmu spori e-póst frá viðkomandi starfsmanni með afrit af reikningi frá 365 -- bara ekki afrit af þeim reikningi sem ég tilgreindi og bað um.
5. - Sendi til baka póst á "reikninga", segi að ég hafi fengið afrit af röngum reikningi og tilgreini hver sé sá rétti. Þremur tímum seinna hefur ekkert svar borist.
6. - Hringi enn í 1817, þar sem ég reynist vera "sextándi í röðinni", gef upp símanúmerið mitt til að 365 hringi til baka. Er svo nú að skrifa þennan pistil meðan ég bíð eftir símtalinu.

Hálftíma síðar var hringt frá 365. Fékk ég samband við "reikninga" þar sem starfsmaður lofar að senda afrit af reikningnum sem ég bað um. Svo er bara að bíða og sjá, en þetta stúss er búið að taka sinn tíma frá því ég reyndi fyrst að hafa samband við fyrirtækið fyrir viku síðan.

Nú eru þrír tímar liðnir frá síðasta samtali við starfsmann 365 - og ekkert afrit borist enn af reikningnum sem ég bað ym

Frétt mbl.is um skrýtin SMS skilaboð

Ég fékk svona skilaboð í dag "call me back pls". Þetta kom frá símanúmeri 212-6922-97910. Þetta símanúmer virðist vera skráð í Marokkó. Skilaboðunum eyddi ég snarlega.

Vara við skrýtnum SMS sendingum

Eiturlyfjasmyglarar dæmdir í Tékklandi

Þetta má lesa á einum fréttavefnum í dag:
„Við erum í sjokki - erum vonsvikin og reið," segir faðir annarrar stúlkunnar sem dæmd var til sjö ára fangelsisvistar fyrir smygl á 3 kílóum af kókaíni í Tékklandi í dag.

Ég get ekki orða bundist og spyr : Verða ekki þeir sem gerast sekir um lögbrot, ekki síst alvarlega glæpi eins og smygl á kókaíni, að reikna með því að fá þunga dóma ef til þeirra næst ? ? ? ! ! !

Ekki hef ég samúð með þessum píum og er fylgjandi því að þær og aðrir eiturlyfjasmyglarar fái þyngstu dóma sem lög viðkomandi lands leyfa, enda hefði í þessu tilfelli ómældur fjöldi fíkla beðið skaða af ef kókaínið hefði komist í umferð.

Að vera "launaðastur" ! ! !

Úr mbl.is í morgun : "Angelina Jolie er hæst launaðasta leikkonan í Hollywood" - erfitt virðist að losna við þessa ambögu að einhver sé "launaðastur" í stað launaður, en í greininni er auðvitað átt við að Angelina sé hæst launaða leikkonan ... fer alltaf í fínu taugarnar á mér að sjá svona rangt mál í stórblaðinu.

Jolie með hæstu launin

Forsetakosningar

Þjóðin þarf að losna við Ólaf Ragnar Grímsson úr forsetastólnum þar sem hann hefur nú setið sér til húðar. Til þess að það gerist þarf eftirfarandi:

 Ef fjórir forsetaframbjóðendanna, sem samkvæmt skoðanakönnunum eiga ENGAN MÖGULEIKA á því að ná kosningu, viðurkenndu þá staðreynd og drægju sig nú í hlé, fengjum við "alvöru" kosningu milli tveggja frambjóðenda Þóru og ÓRG.

Það er annars fyrir löngu kominn tími til að breyta tilhögun forsetakosninga á Íslandi á þann veg, að þegar enginn fjöldaframbjóðenda nær hreinum meirihluta skuli í annarri umferð kosið á milli þeirra tveggja sem flest atkvæði fengu í fyrri atkvæðagreiðslu.

Mér sýnist þetta hafa gefist vel í biskupskosningu fyrr í vor.

 ÁFRAM ÞÓRA !